क्रीडा
ऑल इंडिया इंटर रेल्वे वेटलिफ्टिंग स्पर्धेत मुकुंद आहेर ने पटकावले सुवर्णपदक.
जन आवाज न्यूज नेटवर्क.
मुंबई येथे २४ ते २८ दरम्यान सुरू असलेल्या ऑल इंडिया इंटर रेल्वे वेटलिफ्टिंग स्पर्धेत जय भवानी व्यायामशाळेचा आंतरराष्ट्रीय खेळाडू व सध्या मध्य रेल्वे मुंबई येथे सहाय्यक निरीक्षक म्हणून कार्यरत असलेल्या मुकुंद संतोष आहेर याने ५५ किलो वजनी गटात ११३ किलो स्नॅच १३६ किलो क्लीन जर्क १४९ किलो वजन उचलून लागोपाठ दुसऱ्या वर्षी इंटर रेल्वे वेटलिफ्टिंग स्पर्धेत चुरशीच्या लढतीत सुवर्णपदक पटकावले असून नगरोटा हिमाचल प्रदेश येथे होणाऱ्या राष्ट्रीय स्पर्धेसाठी त्याची भारतीय रेल्वे च्या संघात निवड निश्चित समजली जात आहे
मुकुंद ला छत्रे विद्यालयाचे क्रीडा प्रशिक्षक प्रवीण व्यवहारे मध्य रेल्वे चे प्रशिक्षक अभिलाश क्रिस्टोफर राजेश कामथे यांचे मार्गदर्शन लाभले आहे
जय भवानी व्यायामशाळेचे अध्यक्ष डॉ विजय पाटील मोहन अण्णा गायकवाड डॉ सुनील बागरेचा प्रा दत्ता शिंपी छत्रे विद्यालयाचे अध्यक्ष पी जे दिंडोरकर सचिव दिनेश धारवाडकर संचालक नाना कुलकर्णी प्रसाद पंचवाघ मुख्याध्यापक आर एन थोरात उपमुख्याध्यापक संदीप देशपांडे पर्यवेक्षिका सौ पोतदार महाराष्ट्र वेटलिफ्टिंग संघटनेचे सचिव संतोष सिंहासने अध्यक्ष सुधीर म्हाळसकर यांनी अभिनंदन केले व पुढील स्पर्धेसाठी शुभेच्छा दिल्या
